Од ВЛЕН денеска го повикаа Османи да и одговори на јавноста зошто, како што велат, нема никаква документација за тоа како се потрошени 120 милиони денари од буџетот на Министерството за надворешни работи за организација на Министерскиот совет на ОБСЕ во ноември 2023 година во времето на неговиот министерски мандат.
Министерскиот совет на ОБСЕ што во 2023 година се одржа во Скопје
„Зошто нема податоци што е направено за толку огромна сума пари? Зошто не постои отчет за овие средства, ниту трага од тоа што останало по завршувањето на самитот на ОБСЕ? Овие прашања се за пари на сите граѓани, за пари кои требало да се користат за училишта, подобро здравство, за водоводи и патишта, а завршиле без траг, документ и доказ во непознат правец. Државниот завод за ревизија јасно утврди дека во време на Бујар Османи, МНР ги потрошило овие пари без да се знае за што, без покритие, без документи и без видлив резултат“, пишува во соопштението на ВЛЕН.
МОЖЕБИ ЌЕ ВЕ ИНТЕРЕСИРА:
