Не се ангажирав во изборната кампања, иако син ми Филип е кандидат за градоначалник. Сигурен сум дека неговата посветеност во минатите четири години и новите проекти се доволни за граѓаните да му дадат доверба за нов мандат. Но денес сум иритиран од настапот на кандидатот од ВМРО – ДПМНЕ, кој наместо да си ја гледа својата кампања го споменува моето семејство во негативна конотација.
Во мое време во политиката немаше вакви циркузанти. Абре дете ти ли најде да покажуваш со прст и да обвинуваш за провизии. Подобро впери си го прстот кон тебе и објасни како може семејство на еден вработен во државно здравство и на еден невработен да поседува станови, куќи и автомобили.
Вака реагираше поранешниот пратеник Зоре Темелковски по денешните обвинувања од Орце Ѓорѓиевски кандидатот на ВМРО-ДПМНЕ за Кисела Вода, дека гласот за Филип Темелковски е глас за провизии во семејството Темелковски.
МОЖЕБИ ЌЕ ВЕ ИНТЕРЕСИРА:
