Времето денеска ќе биде претежно облачно, со повремен слаб локален дожд и можност за ретки грмежи. Во текот на денот ќе дува умерен, на моменти и засилен ветер од северозападен правец, кој особено ќе биде изразен долж Повардарието. Утринските температури ќе се движат од -1 до 6 степени, додека дневните ќе достигнат од 7 до 17 степени Целзиусови.

Во Скопје се очекува облачно време со повремени слаби врнежи од дожд. Ќе дува слаб до умерен ветер од северен правец. Температурата наутро ќе се спушти до околу 5 степени, а во текот на денот ќе достигне до 14 степени.

Според прогнозата на Управата за хидрометеоролошки работи, утре времето ќе биде сончево со мала до умерена облачност и со слаб до умерен ветер од северен правец. Дневните температури ќе се движат од 12 до 19 степени.

За време на викендот и во првата половина од следната недела се очекува стабилно и суво време, под влијание на поле на висок воздушен притисок.