Инцидент со малолетници е пријавен во Тетово, откако едно лице со нож бркало други деца низ улица, информираат од Министерството за внатрешни работи.

Според пријавата, на 19 март околу 17:10 часот, двајца родители од Тетово пријавиле дека на улицата „Борис Кидрич“ нивните малолетни деца биле пресретнати од тројца малолетници. Еден од нив имал нож и почнал да ги брка, додека друг го снимал настанот со мобилен телефон.

Од МВР посочуваат дека се преземаат мерки за целосно расчистување на случајот и утврдување на сите околности.