Анџелина Џоли ја игра познатата сопранистка Марија Калас во новиот филм на чилеанскиот режисер Пабло Лараин, а дел од костимите што ќе ги носи во филмот се базирани на гардеробата и костимите што ги носила грчката оперска дива.
Продуцентите на филмот одбија да користат ново крзно за време на снимањето, па облеката што Џоли ќе ја носи се базира на оригиналните костими што ги носи Калас во оперите, како и на нејзината гардероба. Станува збор за винтиџ облека од крзно и кожа од архивската колекција на костимографот Масимо Кантини Парини, пишува шпанскиот дневен весник El Pais.
Првите фотографии од снимањето беа објавени пред неколку дена. Како што објаснуваат од продукцијата, одлуката да не се користи или да се набави нова облека од крзно и кожа е донесена по консултации со различни организации за заштита на животните, вклучително и PETA.
Режисерот е познат по успешното трансформирање на Натали Портман во Жаклин Кенеди и Кристен Стјуарт во принцезата Дијана во неговите претходни филмови.
Во официјалниот опис се наведува дека филмот „ќе го истражува животот на легендарната, иконична и контроверзна пејачка, која често се нарекува вистинска дива“.
Базиран на вистински настани, „Марија“ раскажува бурна, убава и трагична приказна за животот на една од најголемите оперски пејачки во светот, кој се одвива во Париз во седумдесеттите. Филмот ќе се снима осум седмици на локации во Париз, Грција, Будимпешта и Милано.
Сценариото, кое беше завршено пред штрајкот на Здружението на писатели во Холивуд, го напиша Стивен Најт, соработник на филмот „Спенсер“.
Покрај Џоли, во актерската екипа се и Пјерфранческо Фавино (Адаџо), Алба Рорвахер (Ла Химера), Халук Билгинер (Зимски сон), Коди Смит-Мекфи (Моќта на кучето) и Валерија Голино (Портрет на дама во пламен) .
„Многу сум возбудена што ќе ја започнам продукцијата на ‘Марија’ и се надевам дека филмот ќе го донесе извонредниот живот и дело на Марија Калас на публиката ширум светот, благодарение на прекрасното сценарио на Стивен Најт, работата на целиот филм и актерската екипа, а особено брилијантната работа и извонредната подготовка на главната актерка Анџелина Џоли како грчко-американската оперска легенда Марија Калас“, рече Лараин.
МОЖЕБИ ЌЕ ВЕ ИНТЕРЕСИРА:
