По налог на ОЈО ГОКК (Основното јавно обвинителство за гонење на организиран криминал и корупција), МВР Скопје – Одделение за гонење на организиран криминал и корупција неколку месеци наназад прибира докази во КЈП “Водовод” Кочани за една оштетена компанија која комуналното претпријатие од Кочани незаконски ја дисквалификувало од јавна набавка во месец август 2021 година.
Неофицијално, обвинителството заедно со полицијата е во предистражна постапка против поранешен директор на КЈП “Водовод” Кочани кој бил на функција до 2021 година, истите собираат документација како доказ против осомничениот директор како одговорно лице во комуналното претпријатие и потписник на договорот за јавната набавка.
Предистражната постапка била отворена по доставена кривична пријава од страна на оштетената компанија во која се наведува дека незаконски била фаворизирана друга компанија при јавна набавка за обезбедување на хемиски супстанции – полимери за обработка на отпад во Пречистителна станица во состав на КЈП “Водовод”, а која станица се наоѓа во с. Мојанци.
Вкупната сума за која е отворена предистражната постапка за која е осомничен поранешен директор на КЈП “Водовод” Кочани кој бил на функција до 2021 година изнесува 2 014 850 денари или приближно 30 000 евра.
Освен ОЈО ГОКК (Основното јавно обвинителство за гонење на организиран криминал и корупција), МВР Скопје – Одделение за гонење на организиран криминал и корупција за потенцијална проневера при јавна набавка (тендер) за обезбедување на хемиски супстанции – полимери за обработка на отпад во Пречистителна станица во состав на КЈП “Водовод” е заинтересирана и Државната комисија за спречување на корупција. ДКСК како и ОЈО ГОКК и МВР веќе ја има обезбедено целокупната документација за предметот и за тоа се вршат соодветни анализи и вештачења.
МОЖЕБИ ЌЕ ВЕ ИНТЕРЕСИРА:
