Главната обвинителка на Соединетите Американски Држави, Пам Бонди, денеска соопшти дека венецуелскиот претседател Николас Мадуро и неговата сопруга Силија Флорес се обвинети за низа тешки кривични дела поврзани со трговија со дрога и оружје, пренесува CNN.
Во објава на социјалната мрежа Икс, Бонди наведе дека „Мадуро наскоро ќе се соочи со целиот гнев на американската правда на американска почва, пред американските судови“.
Според нејзините зборови, венецуелскиот лидер се товари за заговор во рамки на наркотероризам, заговор за увоз на кокаин во САД, поседување оружје и деструктивни направи, како и заговор за нивна употреба против Соединетите Американски Држави.
Бонди, меѓутоа, не прецизираше за кои конкретни дела е обвинета сопругата на Мадуро.
„Во име на целото Министерство за правда на САД, сакам да му се заблагодарам на претседателот Доналд Трамп за храброста да побара одговорност во име на американскиот народ, како и огромна благодарност до нашата храбра војска која ја спроведе оваа неверојатна и исклучително успешна мисија за приведување на овие двајца лица вмешани во трговија со наркотици“, напиша Бонди.
МОЖЕБИ ЌЕ ВЕ ИНТЕРЕСИРА:
