Поранешниот претседател Стево Пендаровски реагираше на денешната изјава на премиерот Христијан Мицкоски, истакнувајќи дека одлуките за прогласување вонредна состојба за време на ковид-пандемијата биле целосно во согласност со Уставот и законите.
Пендаровски нагласи дека Уставниот суд на Северна Македонија уште пред повеќе од пет години, со мнозинство гласови, утврдил дека одлуките за вонредна состојба се уставни и законски.
Тој појасни дека уредбите со законска сила ги носела и ги имплементирала Владата, а доколку постоеле евентуални злоупотреби, како што рече, надлежните институции можат да ги испитаат во секое време.
Пендаровски истакна и дека сите одлуки за прогласување вонредна состојба биле навремено доставени до Собранието, веднаш по завршувањето на секоја вонредна состојба.
„И покрај тоа, свесен сум дека ова објаснување нема да го спречи премиерот да продолжи со неосновани обвинувања и клевети“, се наведува во реакцијата на поранешниот претседател.
МОЖЕБИ ЌЕ ВЕ ИНТЕРЕСИРА:
