Веста за сообраќајната несреќа во Штип, во која тешко се повредени 16-годишен мопедист и неговиот 14-годишен сопатник, повторно го отвора прашањето за одговорноста на родителите во овие случаи. Се почесто гледаме малолетници кои управуваат моторчиња, најчесто без заштитен шлем, без обука и без свест за ризикот што го преземаат. Возат брзо, се прават важни пред другарите, а не се свесни дека на тој начин се загрозуваат самите, но и другите учесници во сообраќајот, пренесува Прва Скопска ТВ.
Дополнителен проблем се и електричните тротинети, кои во последните години буквално ги преплавија македонските градови. И нив деца ги возат со голема брзина – по коловози, по тротоари, меѓу пешаци и автомобили, без кацига и без почитување на основните сообраќајни правила.
Како целиот овој ризик го гледаат сите на улиците, освен родителите на таквите деца? Тие не се плашат ли за здравјето на своите најмили? Зборуваат ли дома за опасностите, ограничуваат ли некои работи на своите деца или се зафатени со работата и животот?
Ајде, време е да се вразумат и родителите и децата.
МОЖЕБИ ЌЕ ВЕ ИНТЕРЕСИРА:
