Државната комисија по жалби за јавни набавки донесе одлука за поништување на постапката за набавка на електрични автобуси и станици за нивно полнење, соопшти Министерството за транспорт.
Од Министерството информираат дека јавната набавка повторно ќе биде објавена во најкус можен рок и во согласност со важечките законски процедури.
Претходно, како најповолен понудувач беше избран конзорциумот составен од унгарската компанија „Електробус – Икарус“ и австриската компанија „ЕВН“ за набавка на 150 електрични автобуси и 75 полначи.
Според понудата, вредноста изнесувала 19,35 милиони денари, односно околу 314 илјади евра по автобус. Со договорот беше предвидено „Икарус“ да ги испорача автобусите, а „ЕВН“ да ја реализира инсталацијата на инфраструктурата за полнење.
Планираните автобуси требаше да располагаат со моќност од најмалку 300 киловати, капацитет за минимум 66 патници и современи системи за ладење и греење. Воедно, избраниот оператор требаше да обезбеди сервисирање, редовно одржување и резервни делови во период од десет години.
Според првичниот план, првите 30 електрични автобуси и 15 полначи требаше да бидат испорачани во рок од шест месеци по потпишувањето на договорот, додека останатите возила и станици ќе се реализираа во следните 12 и 18 месеци.
МОЖЕБИ ЌЕ ВЕ ИНТЕРЕСИРА:
