Македонската фудбалска репрезентација до 21 година беше поразена со минимални 1-0 на гостувањето кај Бугарија во пријателски натпревар одигран во Бистрица.
Селекторот Горан Станиќ го искористи овој репрезентативен прозорец за контролен натпревар и за да им даде шанса на повеќе помлади фудбалери, со оглед на тоа што до крајот на квалификацискиот циклус Македонија има уште два натпревари кои ќе се играат во октомври.
Единствениот погодок на средбата беше постигнат во 50. минута, кога за Бугарија стрелаше Стивен Стојанчов. И покрај примениот гол, македонската селекција имаше свои прилики за погодок, но не успеа да ги искористи.
Овој натпревар беше единствената активност на младата репрезентација во тековниот прозорец, а нов контролен дуел се очекува во септември, пред продолжението на квалификациите.
МОЖЕБИ ЌЕ ВЕ ИНТЕРЕСИРА:
