Градоначалникот на Општина Аеродром, Дејан Митески, објави снимка од надзорна камера на која се гледа како група млади лица вандализираат училишен двор, превртуваат контејнери и ја оштетуваат урбаната опрема.
Според неговата објава, инцидентот се случил два дена по ред, околу 22:30 часот, кога истата група, движејќи се со мотори, предизвикала материјална штета и оставила неред во простор наменет за учениците и граѓаните.
Митески информира дека лицата се идентификувани и дека против нив е поднесена соодветна пријава.
Тој посочува дека слични случаи на уништување на урбана опрема, детски игралишта и други јавни површини се забележани и на повеќе локации низ општината.
Поради тоа, во соработка со Министерството за внатрешни работи, ќе бидат засилени контролите и надзорот на критичните точки со цел спречување на вакви инциденти и заштита на јавниот имот.
„Погледнете го видеото и видете како изгледа неодговорното однесување кое нема да биде толерирано“, порача градоначалникот.
МОЖЕБИ ЌЕ ВЕ ИНТЕРЕСИРА:
