Мајка и дете беа успешно спасени утринава откако паднале во провалија покрај трим-патеката што води кон манастирот „Св. Илија“ во Струмица.
Инцидентот бил пријавен во раните утрински часови, а од Територијалната противпожарна единица Струмица информираат дека акцијата започнала околу 05:15 часот, кога тим од пожарникари-спасители бил веднаш упатен на терен.
По пристигнувањето на местото на настанот, со употреба на специјализирана спасувачка опрема, екипите ги извлекле мајката и детето од непристапниот терен.
По успешното извлекување, тие веднаш биле предадени на екипа од Итната медицинска помош за преглед и понатамошно згрижување.
„Благодарение на брзата, професионална и координирана интервенција, спасувачката акција беше успешно завршена“, соопштија од ТППЕ Струмица.
По интервенцијата, од противпожарната единица упатија апел до сите граѓани кои ги користат трим-патеките и планинските патеки за зголемена претпазливост, особено во раните утрински и ноќните часови, кога движењето по стрмни делови носи ризик.
„ТППЕ Струмица – секогаш подготвени да помогнеме и да спасуваме човечки животи“, порачаа струмичките пожарникари.
МОЖЕБИ ЌЕ ВЕ ИНТЕРЕСИРА:
