Српскиот претседател Александар Вучиќ нареди да се зголеми борбената готовност на земјата откако беспилотни летала биле забележани над територијата на централна Србија. Српскиот министер за одбрана Милош Вучевиќ денеска изјави дека борбената готовност е зголемена откако беспилотни летала биле забележани над територијата на централна Србија.
-Ме можам да кажам чии се дроновите но тие доаѓаат од територија на Косово. Претседател Вуќиќ издал наредба секој таков објект да биде елиминиран или ставен под наша контрола, изјави овој министер за РТС.
Според Вучевиќ, сите набљудувани беспилотни летала доаѓале од два правци од Косово, по линијата на копнената безбедносна зона, со „повремени навлегувања на територијата на централна Србија и обиди да се набљудуваат позициите на единиците на српските вооружени сили и одредени објекти“.
Тој додал дека српската армија има информации дека беспилотни летала биле забележани не само во округот на Рашка, туку и во окрузите Топлич и Нишава.
Дел од српските медиуми вчера објавија неофицијални информации дека беспилотни летала снимале активности во копнената безбедносна зона и две касарни, односно дека летале над Мердар и околината на Рашка, на границата со Косово и на југот на Србија.
Косовскиот министер за одбрана Арменд Мехај вчера во објава на Фејсбук изјави дека тврдењата дека беспилотните летала доаѓаат од Косово се само изговор за зголемување на бројот на војници на српската армија околу границата со Косово и средство за ширење паника меѓу граѓаните.
-Во врска со изјавата на претседателот на Србија, Александар Вучиќ, за наводно движење на непознати беспилотни летала од територијата на Косово над областа Рашка, ги известуваме граѓаните дека овие тврдења се целосно лажни, а секој таков дискурс е изговор за зголемување на бројот на војници на српската армија околу границата со Република Косово, како средство за ширење на состојба на паника меѓу граѓаните на двете земји, објави Мехај.
Односите меѓу Србија и Косово деновиве станаа тензични откако косовските власти од вчера почнаа со спроведување на планот за пререгистрација на возилата на косовските граѓани издадени од Србија со оние што се пропишани со законите на Република Косово. Одлуката предвидува санкции за сите оние што нема да ги заменат српските со косовски регистарски таблички.
МОЖЕБИ ЌЕ ВЕ ИНТЕРЕСИРА:
