Побожност, долговечност и – за Британците – чувство на стабилност среде историските перипетии: владеењето на Елизабета Втора има многу заедничко со она на нејзината позната прапрабаба Викторија.
При раѓањето, ниту на Викторија ниту на Елизабета не им беше судено да ја носат круната со оглед на нивното место во редот на наследството. Сепак, тие ја исполнија улогата што им беше доверена од сплетот на околностите, и по извонредно долго време на тронот, се сметаат за олицетворение на британската величина.
Стилот карактеристичен за владеењето на Елизабета Втора, заснован на чувство на должност, без објаснување или жалење („Никогаш не објаснувај, никогаш не се жали“), бил директно инспириран од стилот на нејзиниот славен претходник, кој ревносно владеел со Обединетото Кралство 63 години и 216 дена, време недостижното за многу монарси.
По смртта на нејзиниот сопруг принцот Филип во 2021 година, Елизабета Втора се појавуваше помалку во јавноста, исто како и Викторија по смртта на нејзиниот сопруг, принцот Алберт од Саксобурготски во 1861 година.
Исто како и нејзината прапрабаба, чие име денес го носат градови, територии, планини, езера и згради низ целиот светот, Елизабета го впиша своето име на глобалниот пејзаж – од огромните пространства на Антарктикот до канадските острови, не заборавајќи го британскиот најголем воен брод.
И една последна референција: за време на нејзиниот државен погреб, ковчегот на Елизабета ќе биде поставен на кочијата со пиштоли, традиција воспоставена во времето на нејзината прапрабаба Викторија.
МОЖЕБИ ЌЕ ВЕ ИНТЕРЕСИРА:
