Неплодноста го погодува секое шесто лице на планетата, покажуваат податоците од извештајот на Светската здравствена организација (СЗО).
Речиси 17,8 отсто од возрасните во земјите со високи приходи се погодени од неплодност, додека во земјите со низок и среден приход, 16,5 отсто од жителите страдаат од овој проблем. Според генералниот директор на СЗО, Тедрос Аданом Гебрејесус, процентот на луѓе погодени од тој проблем ја покажува потребата да се прошири пристапот до грижа за репродуктивното здравје и да се осигура дека проблемот повеќе нема да биде изоставен од здравствените истражувања и политики.
Светската здравствена организација ја дефинира неплодноста како болест на репродуктивниот систем кај мажите и жените, која се карактеризира со неуспех да се постигне бременост по 12 месеци или повеќе од редовен незаштитен однос.
„Ова може да доведе до значителна вознемиреност, стигма и финансиски тешкотии, кои ќе влијаат на менталната и психосоцијалната благосостојба“, наведува СЗО.
Превенцијата, дијагнозата и третманот на неплодност остануваат недоволно финансирани и недостапни поради високите трошоци, социјалната стигма и ограничениот пристап, се наведува во извештајот.
СЗО ги донесе заклучоците врз основа на избор и анализа на 133 студии од вкупно околу 12.000 студии ширум светот во периодот 1990-2021 година.
МОЖЕБИ ЌЕ ВЕ ИНТЕРЕСИРА:
