Град Скопје започнува нов проект за бесплатна психолошка поддршка на средношколци на возраст од 15 до 19 години, со цел да им обезбеди стручна помош и поддршка за зачувување на менталното здравје.
Проектот ќе се реализира преку две активности. Првата опфаќа бесплатно индивидуално психолошко советување, кое ќе им овозможи на младите емоционална поддршка, разговор и стручна помош. Советувањата ќе се одржуваат на локации во Козле, Аеродром и Центар.
Втората активност предвидува организирање едукативни работилници за стручен кадар и родители од 23 средни училишта во Скопје. Работилниците ќе бидат насочени кон превенција од насилство, справување со зависности и унапредување на менталното здравје кај младите.
„Ниту едно дете, ниту еден млад човек не смее да се чувствува сам, заборавен или оставен без поддршка. Младите заслужуваат внимание, разбирање и систем кој навреме ќе ги препознае нивните потреби и ќе им подаде рака кога тоа им е најпотребно“, порачаа од Град Скопје.
Заинтересираните можат да добијат дополнителни информации и да закажат термин на телефонскиот број +389 75 422 781.
Носители на проектот се Асоцијацијата „Гаспар“ и „Лумен“.
МОЖЕБИ ЌЕ ВЕ ИНТЕРЕСИРА:
