Д-р Нико Беќаровски од Клиниката за токсикологија упати апел до членовите на Комисијата за заразни болести, да ги променат протоколите за изолација на контактите со заразените пациенти.
„Ако уште утре не ги смените протоколите за изолација на контактите со ковид болни и не го намалите времето за изолација на позитивните, на 10 јануари ќе нема кој да работи во државата“, напиша д-р Беќаровски на Фејсбук.
Според него, изолацијата на контактите при вака раширен сој омикрон е неодржлива и без епидемиолошка оправданост. Тој вели дека задолжителната изолација за позитивните треба да се намали на седум дена.
„Добрата вест е што до крај на февруари ќе направиме колективен имунитет и за 8 март ќе може пак да играте чочеци“, додава тој.
Докторот проценува дека ако денес имавме 1 197 позитивни со регуларно направени тестови, сигурно има уште 5 000 кои се самотестирани и 25 000 недијагностицирани.
МОЖЕБИ ЌЕ ВЕ ИНТЕРЕСИРА:
