Двете претставништва последен пат се состанале во регионот Брест во западна Белорусија.
Третиот круг мировни преговори меѓу Украина и Русија би требало да се одржи денеска, а Русија пред тоа најавила прекин на нападите и отворање на хуманитарни коридори од неколку руски градови, пишува “Hina”.
Двете претставништва последен пат се состанале во регионот Брест во западна Белорусија.
Во вториот круг мировни преговори, Киев и Москва договориле воспоставување на хуманитарни коридори во Маријупољ и Волновахи за да се олесни евакуацијата на цивилите. Но, обидот на евакуацијата на цивили од Маријупољ пропаднал во саботата и во неделата, според наводите на Кремљ и Меѓународниот одбор на Црвениот крст (ICRC).
Русија и Украина меѓусебно се обвинуваат за кршење на договорениот прекин на огнот. Шефот на украинското претставништво, Давид Арахамија, ги отфрлил главните барања на Русија како неприфатливи во интервју за “Fox News”.
„Не би рекол дека брзо напредуваме бидејќи секојдневно имаме многу убиени луѓе, посебно цивили“, рекол Арахамија на прашањето за напредокот на преговорите.
Арахамија додал дека единствените делови околу кои е речиси невозможно да се постигне договор се Крим и таканаречените републики за кои Русија инсистира да се признаат како независни.
„Тоа не е прифатливо во украинското друштво“, навел тој.
Русија бара полуостровот Крим, кој го анектирала во 2014-та година, да се признае како руска територија. Освен тоа, сака регионите Луганск и Доњецк, под контрола на проруски сепратисти, да се признаат како независни држави. Москва исто така повикува на целосна демилитаризација на Украина. Потсетуваме, денеска е дванаесетти ден од руската агресија на Украина.
