Лацио на домашен терен беше поразен со 0:2 од Наполи во натпревар од 18. коло на Серија А.
Актуелниот шампион стигна до значајни бодови во трката за титулата, покажувајќи поголема ефикасност и подобра организација во нападот. Римскиот тим немаше вистински одговор на брзите и прецизни акции на гостите.
Наполи поведе уште во 13. минута, кога по одличен центаршут на Матео Политано, прецизно реагираше Леонардо Спинацола за водство од 0:1. Во 32. минута Политано повторно се најде во улога на асистент, а Амир Рахмани со сигурна завршница го постави конечниот резултат.
Во второто полувреме Лацио се обидуваше да изврши притисок и да дојде до погодок, но цврстата и дисциплинирана одбрана на Наполи не дозволи поголеми закани пред нивниот гол.
Со оваа победа, Наполи се искачи на втората позиција на табелата со 37 бодови, еден помалку од лидерот Милан и еден повеќе од третопласираниот Интер. Лацио остана на осмото место со 24 бода.
Македонскиот репрезентативец Ељиф Елмас беше стартер за Наполи и на теренот помина 86 минути.
МОЖЕБИ ЌЕ ВЕ ИНТЕРЕСИРА:
