Веќе извесен период особено во последниов месец на територија на општина Чаир се напаѓаат деца од Радишани и Бутел враќајки се дома од центарот на градот, ова мора да се запре, алармира вчера Дарко Костовски, градоначалник на скопската општина Бутел. Неговиот аларм доаѓа по вчерашниот напад врз четворица малолетници од оваа општина во автобусот број 57 на скопски Бит пазар. Поради овој напад полицијата приведе пет лица, меѓу кои и двајца малолетници.
Во објавата на социјални мрежи градоначалникот Ксотовски бара министерот за внатрешни работи, Оливер Спасовски, итно да реагира.
-Оставив неколку дена се со цел да не предизвикам дополнителна паника. Но после вчерашниот случај кој е дел од низа случаи насилство во автобусот 57-ца, каде веќе извесен период особено во последниов месец на територија на општина Чаир се напаѓаат деца од Радишани и Бутел враќајки се дома од центарот на градот. Чашата е прелиена, како градоначалник на општина Бутел лично од министерот за внатрешни работи Оливер Спасовски барам брзо, остро, и без никакво заташкување да реши овој проблем, додека не е предоцна, вели Костовски.
Тој не сака да верува дека овие чинови имаат било каква позадина.
-Затоа велам насилството раѓа насилство и од таму сите надлежни органи ги повикувам да реагираат веднаш ! За неколку дена од сега како градоначалник на Бутел ќе организирам тркалезна маса на која ќе бидат повикани челниците на МВР, лидерите на верските заедници и претавници на загрижените родители, се со цел од блиску да ја следиме ситуацијата и да превенираме додека не е доцна. Доколку е потребно ќе формираме посебно тело за решение на оваа загржувачка ситуација, најави Костовски.
МОЖЕБИ ЌЕ ВЕ ИНТЕРЕСИРА:
