За нападите на Хамас врз Израел се користеше модерна и скапа технологија: до 5.000 ракети во еден ден, беспилотни летала, параглајдери, камери, интернет. Но, од каде парите за сето тоа? Криптовалути… барем делумно. Децентрализираните финансии долго време се користат за да се избегне регулирање на глобалниот финансиски систем, како и да се поттикне црниот пазар и синџирот на снабдување.
Како терористичка група, Хамас е предмет на санкции и отсечен од меѓународниот банкарски систем. Сите обиди на групата да собере средства се решаваат со глобалните напори за борба против финансирањето на тероризмот. Сепак, во 2014 година, Форбс ја прогласи за една од најбогатите терористички групи во светот.
Тогаш нивниот годишен промет беше проценет на дури една милијарда долари (942 милиони евра), а тој доаѓа од даноци и такси, финансиска помош и донации.
Израелската полиција во вторникот објави дека ги замрзнала сметките на криптовалути кои се користат за собирање донации на социјалните мрежи за терористичката група Хамас. Имено, тие се сомневаат дека Хамас ја повикал јавноста на социјалните мрежи да депонира криптовалути на нивните сметки.
МОЖЕБИ ЌЕ ВЕ ИНТЕРЕСИРА:
