ЈП „Водовод и канализација“ – Скопје ја информира јавноста дека е во тек последната недела од акцијата за отплата на заостанати долгови без пресметка на камата за задоцнето плаќање.
Од претпријатието посочуваат дека рокот за користење на оваа можност истекува на 5 јуни 2026 година, а граѓаните кои имаат неплатени обврски за потрошена вода, како редовни или тужени долгови, можат да ја искористат можноста за отплата на рати без камата.
Акцијата не важи за органите на државната и локалната власт, како и за институциите основани согласно Устав и закон, меѓу кои агенции, фондови, јавни установи и јавни претпријатија основани од државата, општините и градот Скопје.
По истекот на предвидениот рок, одлуката за олеснето плаќање престанува да важи.
За дополнителни информации, граѓаните можат да се обратат на телефонските броеви 02 3073 010 и 02 3240 300, или на електронската адреса kontakt@vodovod-skopje.com.mk.
МОЖЕБИ ЌЕ ВЕ ИНТЕРЕСИРА:
