Премиерот Христијан Мицкоски ќе учествува на Регионалниот форум за клима, енергетска транзиција и одржлив развој во Западен Балкан – МЕФ 2026, кој денеска и утре се одржува во Скопје, информираат од Владата.
Настанот, кој се одвива под мотото „Унапредување на климатската отпорност и енергетската транзиција на патот кон COP31“, е организиран во партнерство со Делегацијата на Европската Унија во Северна Македонија и Министерството за животна средина и просторно планирање. Според организаторите, форумот претставува една од најзначајните регионални платформи за дијалог и соработка во областа на климатските политики и енергетската транзиција.
Од Владата најавуваат дека премиерот Мицкоски ќе се обрати пред учесниците на форумот, каде ќе бидат опфатени теми поврзани со забрзување на зелената транзиција, зајакнување на енергетската сигурност и унапредување на регионалната соработка во услови на климатски промени.
Форумот ги обединува претставниците на влади од регионот, меѓународни организации, експерти и претставници на приватниот сектор, со цел размена на искуства и дефинирање заеднички чекори кон поодржлив развој.
Настанот се смета за една од клучните регионални платформи за климатска дипломатија во Југоисточна Европа.
МОЖЕБИ ЌЕ ВЕ ИНТЕРЕСИРА:
