Роднините на загинатите во автобуската несреќа со автобусот на Беса Транс во Бугарија во која животот го загубија 45 македонски граѓани бараат одговори и забрзување на истрагата. Воедно тие бараат и паралелна истрага, но и каде исчезнал накитот од нивните блиски кои ги загубија животите.
Кјамуран Пајазитовски на кого 17-годишниот син и снаата му загинаа во несреќата во Бугарија, а брат му е на раб на самоубиство вели дека другиот син не сака да оди во училиште без братот со кого секој ден заедно оделе на часови, сопругата постојано му плаче, а него, покрај тагата, најмногу го мачи и чувството на немоќ од безуспешните обиди да добие одговори – што точно се случило? Бара забрзување на постоечката и паралелна истрага за причините за автобуската несреќа во која загинаа 45 лица.
Пајазитовски вели дека има докази дека неговата снаа за време на патувањето со себе имала накит вреден седум илјади евра.
Од Обвинителството тврдат дека, личните работи кои се испратени од бугарското обвинителство се запечатени и се наоѓаат во македонското Mинистерство за надворешни работи. Се чека МВР да направи попис, за да се види што се има, по што ќе бидат предадени на роднините. Сѐ уште трае предистражната постапка и уверуваат дека тоа ќе се случи во најбрз можен рок.
Предметот за обезбедување на доказите е поднесен пред Окружниот суд во Перник. Во случајот во Перник, експертите повторно ќе ги испитуваат свиоците, ознаките и патната инфраструктура.
Од Националната истражна служба на Бугарија минатиот месец како главна верзија за несреќата ја утврдија неусогласената брзина со постоечките услови на патот и нагласија дека патната инфраструктура ги исполнува стандардите. Доколку се утврди дека единствениот виновник е возачот, тогаш кривичната постапка ќе биде прекината. Роднините на загинатите ќе имаат право на побарувања од осигурувањето на возачот. Побарувањата ќе бидат поднесени во Бугарија, каде лимитите се согласно европските стандарди и се речиси 20 пати повисоки од тие во Македонија.
ИЗВОР: Вечер.мк
МОЖЕБИ ЌЕ ВЕ ИНТЕРЕСИРА:
