Во текот на изминатата ноќ се случил инцидент во еден белградски хотел за време на настапот на Дара Бубамара. Во насилен инцидент околу три часот наутро, бил избоден млад човек во тоалетот.
Како што дознава српски „Курир“, неколку минути претходно дошло до тепачка во која учествувале десетина лица.
„Во хотелот има неколку сали каде се организираше дочекот. Изведувачите влегуваа од сала во сала. Во една пееше Слоба Радановиќ, во една Александра Младеновиќ, а во една Дара Бубамара.
Додека Дара пееше се случи инцидентот. Гостите кои славеа во соседните сали не ни знаеја дека нешто се случува“, изјавил за „Информер“ еден од очевидците.
Според првите информации засега не се знае во каква состојба е повредениот млад човек.
