Пребрзото возење по македонските патишта е вообичаена појава за која тешко се наоѓа лек. МВР уверува дека има чести контроли на патиштата.
Така било и вчера кога со радарска контрола на патиштата и улиците низ земјава вчера биле регитрирани 195 пребрзи возачи. Полицијата дури и сподели фотографија направена од екран на радар на која се гледа автомобил кој се движи со неверојатни 198 километри на час. Тоа било за над 70 километри на час повеќе од дозволената брзина.
Од МВР велат вчера пресретнале четири возила кои се движеле со брзина над 50 километри на час повеќе од дозволеното, а три возила се движеле со дури над 70 километри на час повеќе од дозволената брзина.
Инаку, 126 возачи ја пречекориле брзината во населено место, а 69 надвор од населено место.