Легендарниот тренер на Манчестер Сити, Пеп Гвардиола, доби спектакуларно збогување по една деценија мината на клупата на англискиот гигант. На свеченоста организирана во Манчестер присуствуваа околу 19.000 навивачи, кои му оддадоа почит на човекот што го предводеше клубот низ најуспешниот период во неговата историја.
Настанот се одржа во близина на стадионот на Манчестер Сити, а на едно место ги собра поранешните и сегашните играчи, членовите на сите клубски селекции, како и бројни легенди на клубот. Меѓу присутните беа и Винсент Компани и Фернандињо, додека атмосферата ја збогати и присуството на Ноел Галагер.
Еден од највпечатливите моменти беше видео-пораката од кошаркарската легенда Мајкл Џордан, кој му упати честитки на Гвардиола за неговата успешна кариера и му посака среќни пензионерски денови и повеќе време за голф.
Каталонскиот стратег не го криеше изненадувањето од пораката, признавајќи дека не очекувал Џордан воопшто да знае кој е тој.
Во текот на церемонијата беа изложени и сите 20 трофеи што Гвардиола ги освои со Манчестер Сити, симболично заокружувајќи една ера исполнета со успеси, рекорди и историски достигнувања за клубот.
МОЖЕБИ ЌЕ ВЕ ИНТЕРЕСИРА:
