Манчестер Јунајтед им се врати на победите во Премиер лигата откако убедливо славеше на гостувањето кај Вулверхемптон со 4:1, во последниот натпревар од 15. коло.
„Црвените ѓаволи“ поведоа во 25. минута преку Бруно Фернандеш, кој прецизно реализираше за предност на гостите. Сепак, домаќините успеаја да се вратат во натпреварот и во втората минута од судиското продолжение во првото полувреме израмнија преку Белегрејд.
Во продолжението, Манчестер Јунајтед целосно ја презеде контролата и ја оправда улогата на фаворит. Во 51. минута Мбеумо повторно ги донесе гостите во водство, а само 11 минути подоцна Маунт зголеми на 3:1 и ја најави победата.
Точката на натпреварот ја стави повторно Бруно Фернандеш, кој во 82. минута беше сигурен од пенал и го постигна својот втор гол за конечни 4:1.
МОЖЕБИ ЌЕ ВЕ ИНТЕРЕСИРА:
