Србите кои протестираат поради апсењето на поранешниот полицаец Дејан Пантиќ сè уште се на барикадите. Северот на Косово исто така е блокиран од косовската полиција, а преминувањето на премините Брњак и Јариње не е можно ни пеш.
Училиштата на северот на Косово и Метохија денеска нема да работат. На Дејан Пантиќ, поранешниот полицаец кој пред три дена беше уапсен на преминот Јариње, му е одредена мерка притвор до 30 дена. Одлуката на судијата од Приштина e соопштена без образложение.
Инаку на денешниот состанок на министрите за европски прашања на Европската унија во Брисел, тема ќе биде проширувањето на Европската унија кон Западен Балкан како и ситуацијата на северот на Косово.