Министерот за одбрана Владо Мисајловски, од Минхен, изјави дека државата обезбедила најголем буџет за одбрана во изминатите триесет години.
Според него, повеќе од 32 проценти од средствата наменети за одбраната ќе бидат инвестирани директно во модернизација на Армијата. Тоа вклучува реализација на нови проекти, сервисирање на претходно преземените обврски и започнување преговори со повеќе држави уште во текот на оваа година.
Мисајловски најави дека во наредниот период се очекува склучување на повеќе договори за набавки и модернизација, со проекции кои се однесуваат на следната деценија.
Тој истакна дека зголемените вложувања произлегуваат од обврските што државата ги има како членка на НАТО, како и од потребата за усогласување со новите стандарди и приоритети на Алијансата.
Министерот потсети и на одлуката донесена во Хаг за зголемување на издвојувањата за одбрана на 3,5 проценти од БДП, оценувајќи дека станува збор за сериозен финансиски ангажман за државата.
МОЖЕБИ ЌЕ ВЕ ИНТЕРЕСИРА:
