Навид Акрам, преживеаниот осомничен за масовното пукање што се случи во неделата на плажата Бонди во Сиднеј, е обвинет за вкупно 59 кривични дела, меѓу кои 15 точки за убиство и една за извршување терористички акт, соопшти полицијата на Нов Јужен Велс.
Вториот напаѓач, неговиот татко Саџид Акрам, на возраст од 50 години, бил убиен во престрелка со полицијата на самото место.
Во нападот загинаа 15 лица, а десетици други беа повредени. Според првичните информации, цел на нападот била австралиската еврејска заедница, за време на настан на кој се одбележувала првата ноќ на Ханука. Ова е најсмртоносното масовно пукање во Австралија од 1996 година.
Заклучно со вчерашниот ден, 21 повредено лице сè уште се наоѓале на болничко лекување, соопштија здравствените власти на Нов Јужен Велс. Петмина од нив се во критична состојба. Засега не е јасно дали преживеаниот осомничен е вклучен во официјалната бројка на хоспитализирани.
МОЖЕБИ ЌЕ ВЕ ИНТЕРЕСИРА:
