Денес многу жени своето разубавување го доверуваат на професионалци, особено кога станува збор за средување на ноктите и шминкање.
За нокти кои ќе ви траат еден месец треба да одвоите од 800 до 1.500 денари, а дополнителните барања дополнително се наплаќаат. Од правење нокти, на месечно ниво, маникирките во домашни услови можат да заработат и до 100.000 денари.
Корекцијата се прави околу еден месец, без разлика дали се работи за екстензија, гел-лак или само гел, а цените варираат во зависност од должината на ноктите, како и од тоа што сакате на нив. Многу маникири работат дома, што секако им овозможува да заработуваат подобро, бидејќи не плаќаат давачки и даноци на државата.
Тања си ги крои ноктите во Белград и може да се пофали со просечна месечна плата од околу 150.000 динари. Како што вели, има жени кои работат повеќе, па можат да заработат и до 200.000 динари месечно. Се разбира, тоа варира од месец до месец, но добар дел е вложен во материјалот.
Секако, на почетокот нејзината заработка била помала бидејќи немала многу клиенти. По пет години работите се поинакви. Во овој бизнис, препораката е најдобрата реклама, а очигледно е дека ја има со оглед на тоа дека заработува многу.
Пред сè, треба да инвестирате во знаење. За тренинзите се потребни околу 200 евра, а подоцна доаѓа и подобрување на новите техники. Курсевите траат од еден до три месеци. Потребно е да се инвестираат во просек по 500 евра за почетен материјал, за материјалот да биде просечен квалитет и проверен.
Можете да заработите добро од овој бизнис ако прво одвоите средства за да имате со што да работите и да бидете иновативни на пазарот. Потребен ви е и удобен, добро уреден простор, добро осветлување, како и добра камера за промоција на вашата работа преку социјалните мрежи, што е многу важно за привлекување клиенти, но, сепак, постои ризик доколку работите на црно, т.е. нерегистрирани.
„За материјали трошам околу 40.000 динари месечно. Нарачувам гелови, лакови и други материјали во Србија. Трајните природни лакови ги набавувам од американскиот пазар бидејќи се подобри. За почеток, треба да купите УВ ламба, работна ламба, четки, гелови и бои. УВ ламба чини од 2.000 до 50.000 динари“, вели Тања и додава дека подобриот материјал носи и подобра заработка, бидејќи жените препознаваат квалитет.
Тања истакнува дека секој што сака професионално да се занимава со маникир може да започне со почетнички комплет кој чини околу 100 евра, но со тек на време треба да инвестира во подобри.
МОЖЕБИ ЌЕ ВЕ ИНТЕРЕСИРА:
