Стејт департмент на САД синоќа издаде итно предупредување до сите американски државјани кои се наоѓаат во Венецуела, повикувајќи ги без одложување да ја напуштат земјата.
Апелот е објавен на официјалната веб-страница на Стејт департментот, во период кога постепено се обновуваат меѓународните летови, по наглото влошување на безбедносната состојба. Тензиите ескалираа по минатонеделната воена интервенција на САД, при која венецуелскиот претседател Николас Мадуро беше киднапиран, приведен и пренесен во Њујорк.
Американските власти предупредуваат дека прорежимски вооружени групи на терен поставуваат блокади на патиштата, каде вршат проверки и, според наводите, приведуваат американски државјани или лица за кои се сомнева дека имаат врски со Вашингтон.
Во соопштението се посочува дека Венецуела останува на највисокото, четврто ниво на предупредување за патување, што подразбира сериозни и непосредни безбедносни ризици.
Вашингтон како главни закани ги наведува можноста за произволни апсења, злоупотреби и тортура, нагласувајќи дека безбедноста на американските државјани во земјата повеќе не може да биде гарантирана.
МОЖЕБИ ЌЕ ВЕ ИНТЕРЕСИРА:
