По шест натпреварувачки дена на Зимските олимписки игри, домаќинот Италија се наоѓа на врвот според вкупниот број освоени медали — 17 (6 златни, 3 сребрени и 8 бронзени).
Најмногу златни одличја досега има Норвешка — седум, со вкупно 14 медали, колку што имаат и натпреварувачите од Соединети Американски Држави.
Досега се комплетирани 44 од вкупно 116 дисциплини, што значи дека борбата за медали влегува во својата поинтензивна фаза.
Седмиот ден носи нови возбудувања, со вкупно седум комплети медали што ќе бидат доделени. Првата финална дисциплина е крос-кантри на 10 километри во машка конкуренција, каде настап ќе има и македонскиот олимпиец Ставре Јада.
Во биатлон, мажите ќе се натпреваруваат на патеката од 10 километри, додека во сноуборд ќе бидат доделени медали во женската дисциплина крос и во машкиот халфпајп.
На програмата е и машката трка на 10.000 метри во брзо лизгање, како и финалето во скелетон во машка конкуренција. Во вечерните часови ќе се одржи и слободната програма во уметничко лизгање кај мажите.
Паралелно продолжуваат и натпреварите на хокеарските турнири, и во машка и во женска конкуренција.
МОЖЕБИ ЌЕ ВЕ ИНТЕРЕСИРА:
