Лице од Тетово, по кое била распишана потерница, е лишено од слобода и спроведено на издржување на затворска казна од три години. Станува збор за 44-годишен тетовец, кој бил баран по судска наредба поради изречена ефективна казна затвор.
Од Министерство за внатрешни работи информираат дека приведувањето било извршено вчера, на 9 јануари 2026 година, околу 15:15 часот, од страна на полициски службеници на СВР Тетово. Лицето К.К. било затекнато и приведено на улицата „Штипска“ во Тетово.
Според официјалните информации, К.К. бил баран за издржување затворска казна од три години, изречена за кривично дело поврзано со недозволена трговија и пуштање во промет на наркотични дроги, психотропни супстанци и прекурсори.
По приведувањето, осуденото лице било спроведено во Казнено-поправна установа Идризово, каде што ќе ја издржува изречената затворска казна.
МОЖЕБИ ЌЕ ВЕ ИНТЕРЕСИРА:
