Eдинствениот европски број за итни случаи 112 веќе функционира на ниво на цела држава. ЦУК започнува со кампања со цел информирање на граѓаните за работењето на линијата, преку која се координираат повиците до полиција, Брза помош и Противпожарната единица.
Директорот на ЦУК Стојанче Ангелов образложи дека секторот 112 не е нова институција којашто решава проблеми на граѓаните или решава итни состојби туку е само сектор во ЦУК којшто ги координира повиците, односно ги прима, ги селектира и ги распределува понатаму до надлежните министерства или други институции.
Постоечките броеви 192, 193 и 194 на полиција, итна помош и пожарна и понатаму постојат и се отворени.
Повиците на 112 се снимаат и доколку при повикот некој се однесуваа несоодветно, навредува или слично за истото ќе биде пријавен во МВР.
За време на функционирањето на телефонскиот број 112 во изминатиот период во времетраење од еден месец досега се примени околу 27.000 повици или околу 950 повици на дневно ниво.
МОЖЕБИ ЌЕ ВЕ ИНТЕРЕСИРА:
