Министерството за внатрешни работи соопшти дека при вчерашна акциска контрола на СВР Тетово биле одземени ножеви и метален боксирач од малолетници во угостителски објекти на подрачјето на Тетово.
Како што информира МВР, контролата била спроведена во периодот од 14:00 до 16:00 часот. Во угостителски објект на улицата „Љубо Божиновски Пиш“, кај 17-годишен малолетник биле пронајдени и одземени повеќе ножеви и метален боксирач. Во исто време, при контрола во објект во рамки на Спортскиот центар, кај уште двајца малолетници биле откриени и одземени ножеви.
Од Министерството додаваат дека сите малолетници биле приведени во полициска станица во присуство на нивните родители. По целосно документирање на настаните, тие биле предадени на родителите за понатамошна постапка.
МОЖЕБИ ЌЕ ВЕ ИНТЕРЕСИРА:
