Земјотрес со магнитуда 5,9 степени го потресе регионот Фјордленд на Јужниот Остров во Нов Зеланд, во близина на туристичкиот град Те Анау.
Според Националната агенција за управување со вонредни состојби на Нов Зеланд, првичните проценки укажувале на посилен потрес, но по дополнителните анализи јачината била коригирана на 5,9 степени.
Потресот бил почувствуван од голем број жители, а системот ГеоНет добил илјадници пријави од граѓани кои пријавиле силно и продолжено тресење на земјиштето. Дел од жителите сведочеле дека потресот траел околу една минута и предизвикал поместување на предмети во домовите и објектите.
По земјотресот властите издале предупредување за можен цунами, поради што граѓаните биле повикани да се оддалечат од плажите, пристаништата и крајбрежните подрачја. Предупредувањето подоцна било повлечено, но било посочено дека на одредени локации можни се невообичаени и засилени морски струења.
Нов Зеланд се наоѓа на таканаречениот Огнен прстен на Тихиот Океан, една од најактивните сеизмички зони во светот, каде често се регистрираат земјотреси и вулканска активност. Поради оваа геолошка положба, земјата располага со развиени системи за следење и рано предупредување при природни непогоди.
Засега нема информации за поголеми материјални штети, повредени лица или потреба од масовни евакуации, но надлежните продолжуваат да ја следат состојбата.
МОЖЕБИ ЌЕ ВЕ ИНТЕРЕСИРА:
