Професорката Симона Груевска-Маџоска денеска преку објава на Фејсбук соопшти дека поднела неотповиклива оставка од функцијата претседателка на Советот за македонски јазик при Министерството за култура и туризам, како и од позицијата координатор на работната група за изработка на Националната стратегија за македонскиот јазик.
Во објавата таа не ги наведе конкретните причини за одлуката, но кратко порача:
„Преку некои работи не може да се премине.“
Груевска-Маџоска упати благодарност до членовите на Советот за македонски јазик за досегашната соработка, како и до членовите на Координативното тело за одбележување на 80-годишнината од кодификацијата на македонскиот стандарден јазик во 2025 година.
Таа им се заблагодари и на членовите на работната група за изработка на Националната стратегија за македонскиот јазик, посакувајќи им успешна понатамошна работа.
Функцијата претседателка на Советот за македонски јазик ја извршуваше од 20 декември 2024 година.
МОЖЕБИ ЌЕ ВЕ ИНТЕРЕСИРА:
