Денеска во Македонија ќе преовладува променливо облачно време со сончеви периоди, а во делови од земјата ќе има услови за слаб локален дожд, информираат од Управата за хидрометеоролошки работи.
Според прогнозата на УХМР, ќе дува слаб до умерен ветер од северозападен правец, а температурите ќе бидат пријатни за овој период од годината. Утринската температура ќе се движи од 4 до 11 степени, додека максималната дневна ќе достигне од 16 до 25 Целзиусови степени.
Во Скопје се очекува слично време – променливо облачно со сончеви периоди и слаб до умерен ветер од северен правец. Температурата во главниот град ќе достигне до 24 степени.
Од УХМР најавуваат дека ваквото променливо време ќе се задржи и во следните денови. Во попладневните часови ќе има развој на нестабилна облачност, проследена со пороен дожд, грмежи и засилен ветер, особено во Повардарието.
Синоптичарите предупредуваат дека локално процесите може да прераснат и во невреме со пообилен пороен дожд, на места и над 20 литри на метар квадратен, како и засилен ветер со брзина до 50 километри на час.
Граѓаните се советуваат внимателно да ги следат временските прогнози и предупредувања, особено во попладневните и вечерните часови кога се очекува најголема нестабилност.
МОЖЕБИ ЌЕ ВЕ ИНТЕРЕСИРА:
