Македонскиот премиер Христијан Мицкоски присуствуваше на вечера организирана од претседателот на Црна Гора, Јаков Милатовиќ, за учесниците на самитот ЕУ – Западен Балкан, кој се одржува во Тиват.
Мицкоски на социјалните мрежи објави дека вечерата се одвивала во пријатна и пријателска атмосфера, заедно со останатите учесници на самитот.
„Вечера во организација на претседателот на Црна Гора, Јаков Милатовиќ, во пријатна и пријателска атмосфера со учесниците на самитот“, напиша премиерот.
Самитот официјално ќе се одржи во хотелот „Риџент Порто Монтенегро“, каде што лидерите ќе разговараат за актуелните прашања поврзани со европската интеграција на земјите од Западен Балкан, како и за зајакнување на соработката со Европската Унија.
Настанот во Тиват ќе ги собере на едно место високи претставници од европските институции, како и лидери од земјите членки на Европската Унија. Меѓу нив се претседателот на Европскиот совет Антонио Кошта, претседателката на Европската комисија Урсула фон дер Лајен, францускиот претседател Емануел Макрон, германскиот канцелар Фридрих Мерц, шпанскиот премиер Педро Санчез, италијанската премиерка Џорџа Мелони, како и други европски и регионални лидери.
МОЖЕБИ ЌЕ ВЕ ИНТЕРЕСИРА:
