Општина Бутел започна со асфалтирање на улиците „Ангел Мојсковски“, „Александар Грличков“ и „Љубинка Басотова“ во населеното место Расадник.
Од локалната самоуправа информираат дека претходно биле санирани и главната улица во ова населено место, како и улиците „21“ и „2“, со што значително се подобрува уличната инфраструктура и пристапноста за граѓаните.
Во општината истакнуваат дека инвестициите во патната мрежа продолжуваат со засилена динамика, со цел унапредување на условите за живот и модернизација на урбаните средини.
„Инвестираме и градиме онаму каде што во изминатите децении немало доволно внимание. Продолжуваме, заедно со граѓаните, да ја развиваме Општина Бутел во современо и подобро место за живеење“, порачуваат од локалната самоуправа.
Со овие активности продолжува уредувањето и подобрувањето на сообраќајната и комуналната инфраструктура во општината.
МОЖЕБИ ЌЕ ВЕ ИНТЕРЕСИРА:
