Поранешната американска прва дама, Мишел Обама, рекла дека не е изненадена што слушнала дека Меган Маркл раскажала детали за наводниот расизам во кралското семејство.
Во интервју за „NBC Today“, Обама ја прашале за изјавата на Меган Маркл за време на разговорот со Опра Винфри. Војвотката од Сасекс, која е мулатка, изјавила дека некој од кралското семејство изразил загриженост за Хари за тоа колку ќе биде темна кожата на неговиот син.
Водителката рекла дека било ‘срцепарателно’ слушањето како Меган го опишува разговорот, додавајќи: „Се чувствуваше како да е во нејзиното семејство – сопственото семејство поинаку размислува за неа“.
„Како што и претходно зборував, расата не е нов конструкт во светот на луѓето со различна боја и не беше воопшто изненадувачки да се слушнат нејзините чувства толку артикулирано“, одговорила Обама.
Додала и дека смета дека семејството е многу важно и дека се надева оти парот ќе се смири со кралското семејство.
„Се молам за нивна прошка, за да можеме ова да го искористиме како поучен момент за сите нас“, рекла Мишел.
МОЖЕБИ ЌЕ ВЕ ИНТЕРЕСИРА:
