Времето денеска во земјава претпладне ќе биде сончево со мала до умерена облачност. Попладне и кон крајот на денот се очекува зголемување на облачноста, со услови за слаб локален снег. Ќе дува слаб до умерен северен ветер. Утринските температури ќе се движат од -5 до 0 степени, додека дневните ќе достигнат од 3 до 11 степени.
Во Скопје, претпладне ќе преовладува сончево време, а попладне облачноста ќе се зголеми. Ќе дува умерен ветер од северен правец. Минималната температура ќе се спушти до -2 степени, а максималната ќе достигне околу 10 степени.
Во среда, под влијание на студена воздушна маса, ќе дува засилен до силен северен ветер, поради што дневните температури на повеќе места ќе останат под нула. Во четврток ќе продолжи умерен до засилен северен ветер, додека во петок се очекува промена на правецот во јужен, со услови за слаб дожд, а на планините и слаб снег. За време на викендот времето ќе биде претежно сончево со постепен пораст на температурите.
