Полициска акција спроведена во угостителски објект во селото Доброшане откри сериозни прекршувања поврзани со консумирање алкохол од страна на малолетници за време на приватна забава.
Контролата е извршена изминатиот викенд од страна на СВР Куманово, во координација со инспектори од Државниот пазарен инспекторат, Државниот инспекторат за труд и Управата за јавни приходи. Акцијата била реализирана во угостителски објект во сопственост на 24-годишна жена од Куманово.
При контролата, во објектот биле затекнати вкупно 15 малолетни лица, при што кај 11 од нив било утврдено присуство на алкохол во организмот. Според информациите од полицијата, приватната забава била организирана од 41-годишен жител на селото Љубодраг.
Поради утврдените неправилности и сериозни прекршувања на законските прописи, полициските службеници ја лишиле од слобода сопственичката на локалот, како и организаторот на настанот. По целосно документирање на случајот, против нив ќе бидат поднесени соодветни пријави согласно закон.
МОЖЕБИ ЌЕ ВЕ ИНТЕРЕСИРА:
