Скијачката легенда Линдзи Вон беше оперирана на левата нога по повредата што ја заработи при пад на спустот на Зимските олимписки игри во Милано и Кортина.
Четириесет и едногодишната Американка одлучи да настапи и покрај сериозна повреда на коленото само девет дена претходно, преземајќи голем ризик. Нејзиниот настап траеше кратко – по неколку секунди на патеката изгуби контрола и го заврши натпреварот со пад. Со хеликоптер беше пренесена во болница во Тревизо, каде што лекарите извршија операција за стабилизирање на фрактурата на левата нога.
Од болницата соопштија дека интервенцијата поминала успешно, а според информации на „Ројтерс“, Вон е под медицински надзор и е во стабилна состојба.
Олимписката шампионка од Ванкувер 2010 оваа сезона се врати на натпреварите со одлични резултати, забележувајќи две победи во Светскиот куп. Сепак, новата повреда сериозно ја доведува во прашање иднината на една од најуспешните кариери во алпското скијање.
МОЖЕБИ ЌЕ ВЕ ИНТЕРЕСИРА:
