Градот Скопје им додели признанија за најдобар пожарникар, полициски службеник и крводарител во 2021 година, на Петруш Ѓорѓиевски, Димитар Ристовски и Илија Трајковски.
Петруш Ѓорѓиевски е пожарникар спасител во територијалната противпожарна единица на Град Скопје- Бригада за противпожарна заштита на Град Скопје. Димитар Ристовски е полициски службеник во полициската станица за општа надлежност Кисела Вода- СВР Скопје. Илија Трајковски е крводарител кој до неговата 62 годишна возраст дарувал крв 113 пати.
Признанијата им ги врачи градоначалничката на Скопје Данела Арсовска, а нив Градот ги доделува секоја година за заслуги во работењето, успехот и пожртвуваноста.
