На регионалниот пат Велес – Градско вчераутро се случила сообраќајна несреќа во која едно лице се здобило со тешки телесни повреди.
Според информациите од Министерството за внатрешни работи, несреќата била пријавена на 31 мај 2026 година во 08:25 часот, кога патничко возило „лада“ со скопски регистарски ознаки, управувано од 65-годишниот Д.П. од Скопје, излетало надвор од коловозот.
Во несреќата тешко бил повреден возачот, а повредите му биле констатирани во Општата болница во Велес, каде што му била укажана медицинска помош.
На местото на настанот увид извршила увидна екипа на СВР Велес, која работи на утврдување на причините и околностите под кои дошло до излетувањето на возилото од патот.
МОЖЕБИ ЌЕ ВЕ ИНТЕРЕСИРА:
