Постоечкиот систем за „Безбеден град“ од 2017 година не може да се користи и за контрола на сообраќајот и планираме да направиме нов, прилагоден на македонски прилики, најави денеска министерот за внатрешни работи Оливер Спасовски. Тој рече дека сега се прави финансиска конструкција за нов систем „Безбеден град“ кој што ќе може да го контролира и сообраќајот.
-Идејата е да се направи систем којшто покрај за јавната безбедноста, ќе се користи и за контрола на сообраќајот. Правиме финансиската конструкција која не е мала. Јас очекувам дека наскоро ќе ја заокружиме таа финансиска конструкција и ќе го започнеме процесот. Постојат неколку модели кои ги разгледуваат. Тоа не мора да значи надградба на постоечкиот систем, туку може да се одлучи за друго решение – јавно-приватно партнерство, вложување во друга компанија или слично, објасни Спасовски.
Тој додаде дека „сејф-сити“ системот нема да се копира од другите земји, туку ќе се креира посебен за македонските прилики. Министерот се пофаили и со тоа дека откако е тој на чело на МВР има намалување на жртвите во сообраќајот.
-Гледате колку се подобрени резултатите со тоа што колегите се нон стоп на патиштата и нон стоп во контрола. Имаме сериозно намалување на бројот на жртви во сообраќајот. Во 2013 имавме 198 жртви, 2021 имаме 111 жртви. Тоа е благодарение на посветеноста и на работата или ако сакате од моментот додека јас раководам со МВР, посочи Спасовски.
МОЖЕБИ ЌЕ ВЕ ИНТЕРЕСИРА:
